Di encama êrîşa siyonîstan ser bakurê Şerîeya Rojava de 37 Filistînî birîndar bûn
Heyva Sor a Filistînê ragihand ku di encama êrîşên rûniştevanên bajarokan û leşkerên Îsraîlê de yên li derdora bajarê Nablusê (bakurê Şerîeya Rojava) de 37 Filistînî birîndar bûne.
Li gorî rapora IRNA`yê, eskerên siyonîst li devera Beytayê li başûrê Nablusê bi ciwanên filistînî ra ketin pevçûnê û bi gulle û gaza rondikrêj êrişî wan kirin.
Siyonîstên bajarokan li Nablusê jî bi keviran êrişî otomobîlên filistîniyan kirin.
Di rewşa ku bi dehan filistînî birîndar bûn, çavkaniyên medyayî roja Duşemê ragihandin ku 2 filistînî şehîd bûne û leîkerên rejîma Îsraîlê kesek din jî bi giranî birîndar kir bi vê îdiayê ku wî hewl dida siyonîstan li kampa El-Celzûn li nêzîkî Ramellahê li rojava peravên çemê Urdunê bêxe bin trombîla xwe.
Radyoya Artêşa Siyonîst jî di vê barê de ragihand otomobîla ku ciwanên filistînî tê de bûn, dema ku dixwestin komek eskerên Israîlî li navçeyeke nêzîkî kempa El-Celzûnê bêxin bin otomobîlê, hêzên siyonîst ber bi wan gulle reşandin.
Şert û mercên navçên dagirbûyî yên van rojana bi taybetî li Şerîeya Rojava pir taybet e û têkoşerên filistînî bi her awayî bersiva cinayetên bêhejmar ên siyonîstan didin û vê yekê jî şert û mercên taybet ji bo siyonîstên dagîrker pêk aniye.
Beriya vê siyonîstan tenê li başûrê herêmên dagirbûyî û li herêma Xezeyê bi filistîniyan re şer dikirin, lê niha Şerîeya Rojava ya li rojhilatê Filistînê jî ji ber çekdarbûna ciwanên wê bûye cihê kemîngeha dijî sîyonîstên tirsonek.
