Êrîşa siyonîstan ser Mescîd El-Eqsayê di roja duyemîn de
Hejmarek mezin ji siyonîstên bajarokan bi piştevaniya hêzên dagirker bi hinceta sersala nû ya Îbranî ji sibeha îro sêşemiyê ji bo duyemîn roja li pey hev êrişî hewşên Mescîd El-Eqsayê kirin.
Li gorî rapora malpera nûçeyan ya Filistînê "Şehab", berî ku koma ewil a siyonîstên bajarokan derbasî hewşên Mescîd El-Eqsayê bibin, hejmareke zêde ji hêzên leşkerî yên Rejîma dagirker li cihên cuda yên hewşa Mescîd El-Eqsayê bi cih bûbûn ji bo ku ewlekariya niştecihên bajarokan ku hin ji wan cil û bergên kahînên cihû li xwe kiribûn, dabîn bikin.
Ji aliyê din ve bi dehan jin û mêrên filistînî ku bi navê “Murabetîn” û “Murabetat” (Parêzvanên Mescîd El-Eqsayê) tên nasîn, ji nimêja sibê ve li Mizgefta Eqsayê amade ne û bi qirîna "Tekbîrê" li ser mafê xwe yê parastina qibleya ewil a Mislimanan li hember cihûkirina Qudsê tekez dikin.
Hejmarek zêde ji xortên filistînî jî li mizgevta “El-Qubelî” rûniştine û bi avêtina siloganan tirsê têxin dilê şêniyên bajarokên siyonîstî û polîsên dagîrker.
Ji aliyeke din ve hejmarek ji leşkerên siyonîst li ser mizgeftên ber bi Mizgefta El-Qubelî bi cih bûne û firokeyên bêfirokevan ên siyonîst jî li esmanê Mescîda Eqsayê difirin.
Îro danê sibê polîsên Rejîma Siyonîstî bi mebesta rêgirtina ji hebûna zêdetir ji filistîniyan li hewşên Mescîda Eqsayê û parastina canê siyonîstan, rê li ber ketina nimêjkerên di bin 40 saliyê de girtin û hejmarek ji Komên Filistînî yên ciwan ku hewl dan bikevin Mescîda Eqsayê tepeser kirin.
Eva li halekê ye ku gurûp û hêzên berxwedanê yên filistînî û çalakvanên medenî yên filistînî, li rojên derbasbûyî bi pêşbîniya êrişa siyonîstan ser Mescîda Eqsayê, daxwaza hebûna herî zêde li hewşên Qudsê û rûbirûbûna li hember cihûkirina vê cihê pîroz kirin.
