Kesayetiyê Seyid Hesen Nesrullah bi nêrîna rêxistinên sîxoriyê yên Israîlê
Rêxistina Sîxoriya leşkerî ya Israîlê di analîzkirina kesayetiyê Seyid Hesen Nesrullah pêngavek ji asta normal wêdatir daniye û tîmeke 15 kesî ji lêkoleran ji bo vekolandina gişt taybetmendiyên Seyid Hesen Nesrullah û gişt tiştên ku bi awayekî têkildarî wî ne, erkar kirine da ku bikare nêrîn û bertekên Hizbullahê li hemberî destdirêjiyên vê rejîmê analîz bike.
Li gorî rapora Malpera Ehdê, Lêkolînên vê tîmê nîşan daye ku berovajî îdiaya vê rejîmê û gotegotên ku li nav libnaniyan hene, Seyid Hesen Nesrullah ser bi Îranê nîne, belkî ew xwedan helwêst û biryardanên xwe ye. Ew di rastiyê da hevpeymanê Îranê ye û di cîhana şîeyan da, piştî Ayetullah Xamineyî, kesayetiyê duyem tê hesab.
Israîl dizane ku Hizbullah li dû dabînkirina berjewendiyên Libnanê ye û di heman demê da beşeke Bereya Berxwedanê ye ku ji Beyrûtê heta Tehranê didome.
Xala din ev e ku Hizbullah di bin rêbertiya Seyid Hesen Nesrullah da bûye aliyekî çalak di qada siyaseta Libnanê û navçeyê. Di halekî da ku Libnan di dirêjahiya dîroka xwe da qada qewimîna alûgoran bû, bêyî ku rol û bandoreke wê bi xwe tê da hebe.
