Şêx Mihemed Bin Zayid Alê Nehyan bû serokê dewleta Îmaratê
Piştî ku duh şêx Xelîfa Bin Zayid Alê Nehyan mir, Meclisa Bilind a Itîhadê bi erêkirina piraniya endaman, şêx Mihemed Bin Zayid Alê Nehyan ji bo serokatiya Îmaratê hat pejirandin.
Li gorî ajansa ‘WAM’ê, Meclisa Bilind a Itîhadê îro şêx Mihemed Bin Zayid Alê Nehyan ji bo serokatiya dewletê pejirand.
Civîna meclisê bi serokatiya cîgirê serokê dewletê, serokwezîr û hakimê Dubayê şêx Mihemed Bin Raşid Al Mektûm, li Koşka El-Meşref li Ebû Zebiyê hat lidarxistin.
Di daxuyaniyeke Wezareta Kar û Barên Serokatiyê de hat bibîrxistin ku li gorî madeya 51`an a destûrê, şêx Mihemed Bin Zayid Alê Nehyan bi erêkirina hemû endaman wekî serokê dewletê hat hilbijartin.
Wezareta Kar û Barên Serokatiyê ya Îmaratê duh ragihandibû ku serokê dewletê şêx Xelîfa Bin Zayid Alê Nehyan wefat kiriye.
