Artêş û hêzên Yemenî li parêzgeha Marib pêşve diçin
Jêderên yemenî azadkirina bingeha girîng û stratejîk "Tadawin" li parêzgeha Marib ji alîyê artêş û komîteyên gel ên Yemenî ve ragihandin.
Li gorî rojnameya Libnanî Al-Akhbar, artêş û komîteyên gelanî yên Yemenî roja Duşemiyê piştî pevçûnên digel kirêgirtên Yemenî karîn li eniyên başûr, bakur û rojava yên bajarê stratejîk Marib pêşve biçin.
Li gorî raporê, roketên Senayê her wiha kampên koalîsyona Emmarat-Siûdî ya dagirker a li derdora bajarê Marib rojane dike hedef.
Jêderekî Yemenî got ku artêş û komîteyên gel ên Yemenî şerê kirêgirtiyên Yemenî li sê hêlên başûrê bajêr dikin, û karîn derbasî devera stratejîk Al-Hayd bibin û li bereyên Necd al-Mecme û Rehum pêşve biçin. Her weha van hêzan deverên mezin ji Wadi Malh bigre heya Ablah Pass û deverên di navbera Cebal Murad û Ma'rib de azad kirin.
Li aliyek din, bi têkçûna hêzên serokomarê îstifa kirî yê Yemenê Mensûr Hadî di damezrandina hêlên nû yên parastinê de li navenda parêzgeha Marib, Îmaratê dest bi tevgerên xwe li beravên Rojava kiriye û çar beşên leşkerî şandiye ku li Marib şer bikin.
