Serokwezîrê Herêma Kurdistana Iraqê got zanayên ola Îslamê roleke girîng di parastina mafên rewa yên Kurdan de lîstine.

Mesrûr Barzanî got bona ku em ber bi seqamgîriyê ve biçin, nabe rê li ber belavbûna peyamên tundûtûjiya olî were dayîn. Serokwezîrê Herêma Kurdistanê herwiha destnîşan kir ku beşeke mezin a serkirde, helbestvan û nivîskarên Kurd, zanayên olî yên Îslamê bûne û tekezî li ser wê yekê kir ku nabe rê li ber belavbûna peyamên tundûtûj, qebûlnekirina hev û dijayetiyê were dayîn da ku em ber bi rewşek  aramtir, seqamgîrtir û avedantir ve biçin.