Wezareta Veguhestinê ya Irqê ragihand ku bi razîbûna Serokwezîrê, navê Balafirgeha Navneteweyî ya Silêmaniyê bo "Balafirgeha Navneteweyî ya Celal Talebanî" hatiye guhertin; lê ev biryar tûşî bertekên tund bûye.

Encumena Parastina Sirûşt û Mîrata Silêmaniyê ragihand ku li dijî guhertina navê balafirgeha Silêmaniyê ye û wê wek kiryareke partîtî û derveyî vîna saziyên qanûnî yên Herêma Kurdistanê û Konseya Bajêr a Silêmaniyê dizane.

Dr. Mihemed Sabir, berpirsê Saziya Mam Celal Talebanî ev dijayetî wek selîqeyî û neberaqil da zanîn û got: Mam Celal zêdetirî nîvê temenê xwe ji têkoşînê ra terxan kir û kesayetiyekî berçav û giring ê Herêma Kurdistanê û Iraqê ye.

Avakirina Balafirgeha Navneteweyî ya Silêmaniyê di sala 2003an de dest pê bû û sala 2005an bi awayê fermî hat vekirin.