Tevî ragihandina xwehilweşandinê û bidawîhatina şerê bi çekan ê PKKê, êrişên artêşa Tirkîyê ser Herêma Kurdistanê bi heceta tepeserkirina wê komê, didomin.

Kamiran Osman endamê vê rêxistinê ragihand: Artêşa Tirkîyê êrişên ser navçeyên curbicur ên Amêdîyê didomîne. Wî herwiha got: Ji 24ê Gulanê va, artêşa Tirkîyê 83 caran êrişî Çîyayê Nizarkê li derdora nahîya Şêladizê kirîye. Ew êriş gişk dijî herêmekê pêk hatin û artêşa Tirkîyê her roj wê herêmê dide ber topan.

Kamiran Osman herwiha got: Hema di hefteya buhurî da, artêşa Tirkîyê 45 carî herêma Berê Gareyê li nahîya Dêrelokê ser bi şarê Amêdîyê daye ber topan û di hefteya vê dawîyê da, hejmara êrişên artêşa Tirkîyê ser Herêma Kurdistanê rabû 128 carî.