Piştgiriya YNKyê ji operasyona berxwedana Filistînê li dijî Rejîma Siyonîst
Fraksiyona Yekîtiya Niştimaniya Kurdistanê li Parlemana Iraqê piştgiriya xwe ji berxwedana Filistînê û têkoşîna wê li himberî Rejîma Siyonîst ragihand.
Fraksiyona Yekîtiya Niştimaniya Kurdistanê li Parlemana Iraqê ragihand ku gelê Filistînê li kêşe û gêreyeke dom û dirêj li himber bi Rejîma Siyonîstî de ye di encama şerê li himberî vê rejîma narewa de hejmarek zêde ji gelê Filistînê hatine sirgûnkirin an şehîd ketine û dewama êş û azarên gelê Filistînê û çaresernekirina kêşeyan, dê bibe sedema gurrbûna şer û rijandina xwîneke zêdetir.
Harêm Kemal Axa Serokê Fraksiyona Yekîtiya Niştimaniya Kurdistanê li Parlemana Iraqê di civîna parlemanê de daxuyaniya YNK ya di derbarê mijarên Filistînê de xwend û got: Ev çend roj in, Zîvala Qezeyê rastî êrişên hovane hatiye ku di encamê de hejmareke zêde ji welatiyên sivîl, jin û zarokên bêguneh şehîd bûne û her wiha ava vexwarinê û karebaya wan hatiye qutkirin.Di daxuyaniya Fraksyona Yekitiyê di parlemana Iraqê de hatiye ku ev partiya siyasî ya Iraqî, êrişên hanê bi tundî şermezar dike û daxwazê ji civaka navdewletî dike ku bi erka xwe ya exlaqî û mirovî de rabin û pêşiya binpêkirina mafênn xelkê Filistînê bigrin ku êdî dorpêça zîvala Qezeyê were rawestandin.
