Firokeyeke bê firokevan li Şingalê otomobîlek kir armanc û li gor agahiyan berpirsekî YBŞê ku rêveberekî Asayîşa Êzîdxanê ye, hatiye kuştin.

Dezgeha Dije-terorê ya Herêma Kurdistanê ragihandiye, droneke Tirkiyê otomobîla berpirsekî emnî yê Yekîneyên Berxwedana Şingalê (YBŞ) kiriye armanc.

Li gor daxuyaniya Dije Terora Kurdistanê, berpirsekî YBŞê û pasevanê wî di êrîşê de hatine kuştin.

Li aliyekî din, têkildarî êrîşa îro Asayîşa Êzîdxanê daxuyaniyek belav kiriye û tê de ragihandiye, êrîş di 11:30 de li navenda Şingalê û li dijî wesayîteke Asayîşa Êzîdxanê bûye.

Di daxuyaniyê de hatiye gotin, êrîş ji aliyê Tirkiyê ve hatiye kirin û berpirsekî wan ê Rêveberiya Asayîşa Êzidxanê Şêrzad Şemo Qasim hatiye kuştin.