Mela Bextiyar hûrgiliyên jehrîkirina xwe eşkere kirin û diyar kir ku ev bûyer di nava Yekîtiya Nîştimaniya Kurdistanê (YNK) de pêk hatiye û agahî jî ji wî re çûye ku Dezgeha Zanyarî ew jehrî kiriye.

Endamê Encûmena Siyasî û Berjewendiyên YNK Mela Bextiyar îro li Silêmaniyê kongreyeke rojnamevaniyê saz kir û zanyarî û hûrgiliyên bûyera jehrîkirina xwe eşkere kirin.

Mela Bextiyar di wê kongreyê de tekez kir, bêguman ew di nava YNKê de hatiye jehrîkirin û agahî ji wî re hatine şandin ku Dezgeha Zanyarî ew bûyera jehrîkirinê kiriye.

Endamê Encûmena Siyasî û Berjewendiyên YNKê belgeya jehrîkirina xwe yên bi zimanên Almanî û Îngîlîzî bilind kir ku ew raporteke nexweşxana Almanya ye û tekez jî kir ku ew dest ji mafên xwe bernade.

Mela Bextiyar da xuyakirin ku heta niha kesek li ser jehrîkirina wî hatiye girtin û her ew kes bûye ku zanyarî dane mela bextiyar.

Di dewama daxuyaniyên de Mela Bextiyar eşkere kir ku Encûmena Bilind a Siyasî û Berjewendiyên YNKê dê bicive û çend biryaran bide.