Bi sedema bombebarankirina firokeyên şêrr ên Tirkiyê li ser pêgehên PKKê, nêzîkî 60 malên nahiya Qesrê ya ser bi parêzgeha Hewlêrê ve koçber bûne û zîyanên giran li rez û zavîyên xelkê ketine.

Di encama êrişên hewayî yên Artêşa Tirkîyê ser çeperên PKK`ê li bintara çîyayê Qerndîlê li devera Wertê ser bi Çomanê mideha 2 rojên buhurî de xisarên giran ji wan li rê, pire, tora kehrebê û zeviyên welatiyên 27 gundên wê deverê ketine. 

Ligorî raporan, nêzîkî 200 malên sînorê nahiya Qesrê bi sedema bombebarana firokeyên Tirkiyê di bin metirsiyê de ne û ta niha 60 malbat koçber bûne.

Herwiha di encama şerê Tirkiyê û PKKê de, nêzîkî 9 gundên Mesihiyan li sînorê navçeya Zaxoyê hatine valakirin. Welatî dibêjin, ji bilî valakirina gundan, ti rêyeke din li pêşiya wan nemaye.