Serokê Herêma Kurdistanê ser amadetiya Hewlêrê bo çareserkirina pirsgirêkan bi dewleta navendî ya Iraqê ji riya gotûbêj û muzakirê tekez kir.

Li gorî rapora Kurd Press`ê, bereberê destpêbûna dewra nû ya muzakirên Herêma Kurdistanê bi dewleta navendî ya Iraqê re, Nêçîrvan Barzanî serokê Herêma Kurdistanê li gotûbêja telefonî tev Mayk Pêns, alîkarê serokkomarê Emerîkayê bal kişand ser baştirkirina têkiliyên di navbera Hewlêr û Bexdayê.

Li gorî daxûyaniya saziya serokatiya Herêma Kurdistanê, Barzanî li vê gotûbêja telefonî, teqez kir: Herêma Kurdistanê amadeyî çareserkirina hemî pirsgirêkan bi dewleta navendî ya Iraqê re ye.

Wî xebata komîteyên  pêkhatî navbera hikûmeta Herêam  Kurdistanê û  hikûmeta navendî ya Iraqê bona çareserkirina pirsgirêkan erênî nirxand.

Berovajî vê yekê, Mayk Pêns, kêfxweşiya xwe li bara baştirbûna peywedniyên navbera Hewlêr û Bexdayê diyar kir û teqez kir ku Emerîka li pêvajoya çareserkirina  pirsgirêkan û rawstana li ber terorê dê piştgiriya her du aliyan bike.

Ji aliyê din ve Beşîr Hedad, cîgirê serokê parlemana nunerana Iraqê yekşemiya buhurî li bara sefera di demeke nêzîk a taxima  pilebilind a  Herêma Kurdistanê bo Bexdayê bo muzakira ser babetên bêtifaqiya xwe agahî da.

Çend komîte navbera her du aliyan têkildarî mijara niftê, bûdcê û  miaşa mehê ya kedkarên Herêma Kurdistanê, xala 140`an a qanûan bingehîn a taybetî navçên kêşeliser û meselên ewlehiyê û siyasî pêk hatine.

Pejirandina qanûna bûdca 2020`an a Iraqê, bûye sedem ku hikûmeta navendî û hikûmeta Herêma kurdistana Iraqê li warê lihevkirinê û çareserkirina pirsgirêkên xwe ser meselên curbicur , lezê bikin.

Heta niha hikûmeta Herêma Kurdistana Iraqê pêbendê qanûna bûdca 2019`an a Iraqê û radestkirina niftê bo Bexdayê nebûye û her ev mijara bûye sedema dilgiraniya kurdan û dibêjin hitmala kêmkirina para bûdca Herêmê ji bûdca  sala 2020`an an qutkirina  mûçe û miaşa hêzên îdarî û eskerî yên Kurdistanê ji aliyê Bexdayê pir zêde ye.

Pêştir Dr. Mehmûd Osman ji siyasetvanên  pêşeng ên  kurdê iraqî li bara  hegera  radestnekirina  niftê bo Bexadyê ji aliyê Hewlêrê bo Kurdpress`ê got: Hikûmeta Herêmêa Kurdistanê destnîşan kiriye ku  pereyekê wek deyn li Bexdayê heye. Yek ji wan, nedayîna  xerametê bo xelkê Kurdistanê ji ber cinayetên Enfalê û bombebarankirina  kîmyawî ya Helebçeyê û her wiha nedayîna  para  bûdca Herêma Kurdistanê  ji aliyê dewleta Iraqê bo mideha çend salan û gelek mijarên din e.