Endamê Komîsyona Têkiliyên Derve ya parlimana Iraqê ragihandiye ku vê komîsyonê dil heye pêşniyazekê ji bo kêmkirina hejmara karmendên dîplomatîk û îdarî yên balyozxaneya Amerîkayê pêşkêşî hikûmeta Iraqê bike.

Piştî ragihandina bidawîhatina erka “Hevpeymaniya Navdewletî” ya di bin fermana Amerîkayê da li Iraqê, liv û tevgerên sîyasî û herwiha ji aliyê komên iraqî va ji bo kêmkirina qebareya balyozxaneya Amerîkayê li Bexdayê ya ku li ser erdeke bi berfirehîya 42 hektar e, zêde bûne. Armanca van liv û tevgeran, sînordarkirina erka balyozxaneyê bi çarçova dîplomatîk, wek balyozxaneyên din û li gorî prensîba tevgeriyana beranber e.

Mixtar Ey-Yûsif, endamê Komîsyona Têkiliyên Derve ya parlimana Iraqê ragihandiye ku vê komîsyonê dil heye pêşniyazekê raber bike ku hikûmet û Wezareta Karên Derve mecbûr bike ji bo kêmkirina hejmara karmendên dîplomatîk û îdarî yên balyozxaneya Amerîkayê pêngav rakin.