Wezîra Darayîyê ya Iraqê: Bexda nikare destmiza karmendên Herêma Kurdistanê rasterast bişîne
Çavkanîyekî haydar ji civîn û gotûbêjên di navbera Hewlêr û Bexdayê da, hin hûrgilîyên nû têkildarî lihevkirina her du alîyan a têkildarî dayîna destmizan aşkira kirin.
Li gorî agahîyan, Teyf Samî Wezîra Darayîyê ya Iraqê desteya Herêma Kurdistanê agahdar kirîye ku qanûna bingehîn rê nade ku Wezareta Darayîyê ya Iraqê destmizê bi awayekî rasterast bişîne hesabê bankê yê karmendên Herêma Kurdistanê.
Wezîra Darayîyê ya Iraqê ji Wezareta Darayî ya Hikûmeta Herêma Kurdistanê jî xwestîye ku hevgavê şandina lîsteya destmiza mehane, nav û hesabê bankê yê kesên destmiza xwe ji rêya bankê werdigirin, raber bike.
Destmiz û miaş li Herêma Kurdistanê yê ji vir pê va wiha bê dayîn ku Wezareta Darayîyê ya Iraqê, dê bûcê bişîne hesabê bankê yê Wezareta Darayî ya Herêma Kurdistanê û ev wezareta jî yê miaşê karmendan ji rêya ``hesabê min`` bide wan.
