Bidawîhatina qeyraneke dîplomatîk a bisînor di navbera Iraq û Behrêynê da
Bi dû vexwendina Kardarê Iraqê li Menameyê bo Wezareta Karên Derve ya Behrêynê, Wezîrên Karên Derve yên her du welatan di peywendîyeke telefonî da dawî li qeyrana dîplomatîk a bisînor a di navbera her du welatan da anîn.
Wezîrê Karên Derve yê Iraqê Fuad Hisên û Wezîrê Karên Derve yê Behrêynê Ebdulletîf Zeyyanî îro di peywendîyke telefonî da, pêgirî ser kûratîya peywendîyên birayane û dîrokî yên her du welatan di çarçova rêzgiritna dualî û liyêkgiheûtina di hemî astan da kirin û dawî li qeyrana dîplomatîk a bisînor a di navbera her du welatan da anîn.
Duh Mueyyid Umer Ebdulrehman Kardarê Iraqê li Menameyê ji hêla Wezareta Karên Derve ya Behrêynê va hat vexwendin û nivîsareke nerazîbûna fermî bi hegera binpêkirina berdewam a erfên dîplomatîk raberî wî hat kirin.
Piştî vê yekê Wezîrê Karên Derve yê Iraqê bi telefonê bi hevpîşeyê xwe yê behrêynê ra ket têkilîyê. Hela hê ne kivş e ka Kardarê Iraqê çi kirîye, lê Wezareta Karên Derve ya Behrêynê ragihand, tişta ku wî kirîye mînaka ``destwerdana di karên navxweyî yên paşatîya Behrêynê da ku nayêqebûlkirinê ye û berovajî isûlên menşûra NY ya têkildarî rêkxistina peywendîyên di navbera welatan da ye.
