Sûdanî: Îran destwerdanê di karên Iraqê da nake, divê welatên rojavayî rewşa Iraqê têbigihîjin
Serokwezîrê Iraqê lihevkirina Îran û Erebistanê alûgureke baş û erênî zanî û got: Îran qet destwerdanê di karên Iraqê da nake û divê welatên rojavayî rewşa Iraqê têbigihîjin.
Serokwezîrê Iraqê Mihemed Şîya Sûdanî di axavtinekê da lihevkirina Îran û Erebistanê alûgureke baş û erênî zanî û pêgirî ser rola girîng û mezin a Bexdayê di lihevnêzîkkirina nêrînên Têhran û Rîyazê kir.
Sûdanî got ku me peywendîyên erênî û şirkatî bi Îranê ra heye û dîyar kir: Bexda ti wexta qebûl nake ku axa Iraqê bibe xala destpêkê ji bo gefxwarina dijî welatên cînar.
Mihemed Şîya Sûdanî ber bi welatên rojavayî va jî got: Iraq di rêzebendîya dijî welatên herêmê da pişikdar nabe û divê welatên roajvayî jî vê yekê têbigihîjin ku Iraq welatekî pêkhatî ji etnîk ûolên curbicur e û divê her kes rêzê li serwerîya netewî ya Iraqê bigire.
Serokwezîrê Iraqê herwiha got: Iraq perçe nabe û hêz û şîyana vî welatî jî ji qanûna bingehîn a wî welatî xwe serekanîyê digire.
