Wezîrê derve yê Brîtanyayê serdana Iraqê dike
Hezîran 08, 2021 15:50 Asia/Tehran
Wezîrê derve yê Brîtanyayê sibê serdana Bexda ya paytexta Iraqê dike.
Berdevkê wezareta derve ya Iraqê Ehmed Sehaf di beyanameyekê de ragehand: ‘’Wezîrê derve yê Brîtanyayê Dominic Raab roja çarşemê anku 09.06.2021ê dê serdana Bexdayê bike.
Di vê serdanê de ku dê rojekê berdewam bike Dominic Raab dê bi wezîrê derve Fuad Husên û bi her sê serokatiyên Iraqê yanî Berhem Salih serokomar, Mistefa Kazimî serokwezîr û Mihemed el Helbûsî serokê parlemanê re bicive.
Wek serdanên hemû berpirs û rêveberên cîhanî bendewarî heye wezîrê derve yê Brîtanyayê piştî serdana xwe ya Bexdayê, serdana navenda Herêma Kurdistanê Hewlêrê jî bike û bi berpirsên payebilindên Herêma Kurdistanê re bicive.
