Li Herêma Kesk a Bexdayê rewşa awarte hatiye ragihandin
Çavkaniyên iraqî ragihandin ku di devera Kesk a Bexdayê de tedbîrên ewlehiyê hatine berçavgirtin û li vê deverê de rewşa awarte birêve diçe.
Li gor IRNA, Çavkaniyên iraqî dibêjin, jimareyeke mezin ji hêzên taybet û dezgehên li dijî terorê ji bo girtina pêşiya her êrişekê li herêma kesk a Bexdayê û girtina pêşiya êrişên ser navendên dîplomatîk û xelkê Iraqê ji şeva borî hevdemê despêbûna sala nû ya zayînî , li ser riyên ku dikevin Herêma Kesk postê ligerînê danîne.
Li Bexdayê ji ber gefa komeke terorîstî ya avêtina roketan nav Herêma Kesk a Bexdayê li şeva ser sala nû ya zayînî, Hêzên ewlehiyê ketine rewşa seferberî û rewşa awarte ya ewlehiyê li vê deverê hatiye ragihandin,
Rewşa niha ku derketiye holê, xelkê Bexdayê nîgeran kiriye û ditirsin şer û pevçûn di navbera komên çekdar û terorîst ji aliyekê hêzên hikûmetê ji aliyê din rewşa Iraqê bi taybet Bexdayê xirab bike.
Serokwezîrê Iraqê Mustefa Kazimî duh ji dezgeh û rêxistina hikûmetê xwest bi odeya Operasiyonê ya hevpar hevkariyê bikin da ku ewlehî vegere welêt û sînorên Iraqê bên parastin û komên terorîst ji nav herin.
Tevî têkçûna DAIŞê di Teşrîna 2017 de hîn jî hin şaxeyên veşartî yên vê koma terorîst li Iraq û Sûriyê karên terorîstî dikin.
