Masûle bajarekî dîrokî li Gîlanê û ser bi beşa Serdar Cengelê ya Şaristana Fûmenê û başûrê rojavayê vê parêzgehê ye. Masûle xwedan mîmariyeke taybet e. Hewşa pêşiya malan û banê malan her du wek peyarêk tên bikaranîn. Mîmariya Masûleyê di serdema Zendiyeyêda pêk hatiye û kolanên biçûk û pilekanên zehf rê nadin ku wesayîteke motorî tê ra derbas bibe. Mîmariya Masûleyê bi vê hevokê tê şirovekirin: Hewşa avahiya jorîn, banê avahiya xwarîn e. Hejmara qatên avahiyan bi giştî didu ye.