Dêyleman devereke zozanî û bilind e li parêzgeha Geylanê, ev zozan li rojhilata Geylanê û nêzîkî bajarê Siyahkelê ye. Bilndiya Dêyleman ji seravên behran digihêje 2 hezar metran û ji bo çûyîna vê zozanê riyek heye ku ji nav cengel û daristanan derbas dibe.

Li zozanê Dêylemanê gelek kanî û çem diherikin û her aliyeke wê bi hêşinatî û mêrg û çimen e û dema kesek here wir, wer difikire ku ev der li ti cihekî din nedîtiye. 

Av û hewayê wir sar û çiyayî ye û kaniyên zav û wêneyên bedew û qoçên bilind û tijî berf ên vê zozanê bi nav û deng in.

Dêyleman ji cih û meskenên herî kevn ên mirov li Îranê ye, bi awayekî ku şênewar û berhemên herî kevn yên hatine sîtin li vê navçê nîşan didin ku ev der du hezar sal berî zayîna Mesîh anku zêde ji 4 hezar salên berê cih û meskenê mirov bûye.