Xerddarbûna rewşa mirovî li Xezzeyê; 66 kesên din hatin şehîdkirin u 345 kes jî hatin birîndarkirin
Li gorî raporên fermî yên ji Xezzeyê, qirrkirina sivîlan û birsîragirtin li vê herêmê didome; di 24 saetên buhurî da bi dehan filistînîyên din di encama êrişa leşkeran û bombebaranên Rejîma Sîyonîst da hatine kuştin û birîndarkirin.
Wezareta Tenduristîyê ya hikûmeta Filistînê li Zîvala Xezzeyê ragihand ku di 24 saetên buhurî da 66 filistînî hatine şehîdkirin û 345 birîndar jî bo nexweşxanan hatine veguhestin.
Di dewama êrişan da, balafirên cengê yên Rejîma Sîyonîst çend kon û xêvetên awareyan li nêzîkî Mizgevta Ebûbekirê Siddîq a Taxa Nesrê ku ketîye rojavaya şarê Xezzeyê, dan ber bobmeyan ku di encamê da herîkêm 12 kes hatin şehîdkirin û çend kes jî hatin birîndarkirin.
Bi vî awayî hejmara şehîdên êrişên Rejîma Sîyonîst ser Zîvala Xezzeyê ji 7ê Cotmeha sala 2023yê va heta nika rabû 63 hezar û 371 kesî û ya birîndaran jî rabû 159 hezar û 835 kesî.
Herwiha di 24 saetên buhurî da 15 filistînî di encama êrişên Rejîma Sîyonîst ser rêzên wergirtina alîakrîyên mirovî û xwarekê li Zîvala Xezzeyê hatin şehîdkirin û 206 kes jî hatin birîndarkirin. Bi vî awayî hejmara gorîyên bi navê ``şehîdên parîyekî nîn`` rabû 2 hezar û 218 kesî û ya birîndarên vê yekê jî rabû 16 hezar û 434 kesî.
Civata Hawargiheştina Pizişkî ya Xezzeyê jî ragihand ku bedxworakî û xela her ku diçe berfiretir dibe û rewşa merivî li Zîvala Xezzeyê bi rastî diltezîn e.
Hin çavkanîyên nûçeyan jî ragihandine ku gelê Xezzeyê ji birsîya idî gîhayan dixwun.
Artêşa Rejîma Sîyonîst jî ragihandîye ku idî yê ji ber şandina alîkarîyên mirovdostîyê bo şarê Xezzeyê, şêrr nesekinîne, biryara ku li gorî hişyarîdayîna komên merivdost li gorî ihtimalê yê xelaya li vê herêmê girantir bike.
