Hejmara şehîdan li Zîvala Xezzeyê gihêşt 51 hezar û 240 kesî
Wezareta Tenduristiyê ya Filistînê li Zîvala Xezzeyê îro ragihand ku di dewama cinayetên siyonîstan li vê herêmê di 24 sietên derbasbûyî de 39 kes şehîd bûne û 62 kes jî birîndar bûne.
Ji destpêka qonaxa nû ya cinayetên Rejîma Siyonîst li Zîvala Xezzeyê ji roja 18`ê Adara 2025`an ve heya niha hezar û 864 kes şehîd û 4890 kes jî birîndar bûne.
Bi zêdekirina van şehîdan, hejmara şehîdên Zîvala Xezzeyê ji 7`ê Cotmeha 2023`an vir ve û hevgavê destpêbûna operasyona Bahoza Eqsayê, gihîştiye 51 hezar û 240 kesan û hejmara birîndaran jî gihîştiye 116 hezar û 931 kesan.
Cinayetên rêjîma dagîrkerê Qudsê li zîvala Xezzeyê berdewam dikin û hîna jî xelkê sivîl û binesazî di bin bombebarana tund de ne û eva di rewşekê de ye ku roj bi roj rewşa mirovî nalebartir dibe.
Hevgav, medya siyonîst îro ragihand ku du leşkerên siyonîst li devera Beyt Hanûnê li bakûra zîvala Xezzeyê birîndar bûne.
