Derbeyên giran ên Tabûrên Qessam li dagirkerên siyonîst
Hevgavê dewama cinayetên siyonîstan li Xezeyê, Tabûrên Qesaam li bereyên curbicur derbeyên giran li dagirkeran xistin.
Tabûrên El-Qessam ragihand ku têkoşerên wan di kemîneke nêzî Mizgevta Emîn a li taxa Tel El-Hevî li Xezeyê, 2 maynên zirxî yên kontroldar teqandin ku di encamê de hemû hêzên dijmin hatine kuştin û birîndar bûn û helîkopterên îsraîlî rûniştin ku wan veguhezînin.
Her wiha yek ji nîşanbazên El-Qessam leşkerekî dagirker yê Israîlî li devera El-Senaê li taxa Tel El-Hevî li rojavayê Xezeyê kir armanc.
Têkoşerên Qessam mayneke zirxî li nav komek hêzên peya yên yekîneya endazyariyê ya dijmin de, li nêzîkî Mizgevta Ebûbekir Sidîq li taxa Brazîlyayê li rojhilatê Refehê teqand ku di encamê de hemû ew hêz hatin kuştin û birîndarkirin.
Têkoşerên El-Qessam her wiha 3 tankên Merkava yên Israîlî li herêma El-Senaê ya li Xezeyê bi rokêta dijî zirxî yên Yasîn 105 û bombeyên Şewaz dan ber êrişan.
