Berdewambûna êrişên Rejîma Sîyonîst ser Xezzeyê û rexê rojavaya çemê Urdinê
Hêzên artêşa Rejîma Sîyonîst a dagirker di dewama cinayetên li Zîvala Xezzeyê da ku di roja 256an da ne, îro êrişî şarê Cinîn li rexê rojavaya çemê Urdinê kirin.
Di encama êrişa leşkerên rejîma dagirker ser hewşa nexweşxana Kempa Cinînê da, ciwanekî filisîtîn birîndar bû. Herwiha dema êrişa leşkerên dagirker ser şarê Cinînê, hêzên berxwedêr hibmerî wan rabûn.
Têkoşerên filistînî li Cinînê çend bombeyên xurt li ser rêya maşînên leşkerî yên dagirkerên sîyonîst teqandin. Medyayên Rejîma Sîyonîst jî ragihandin ku nêzî 20 leşkerên Rejîma Sîyonîst di encama pevçûnên li Cinînên da birîndar bûn û pêgirî kriin ku birîndar bi helekopteran veguhestin nexweşxaneyên Israyîlê.
Çavkanîyên nûçeyan herwiha ragihandin ku leşkerên rejîma dagirker çend mal li rojavaya şarê Refehê kavil kirin.
Medyayên filistînî jî ragihandin ku artêşa rejîma dagirker 6 carî êrişî dibistaneke bajarokê Ebsan li rojhilata Xan Yûnisê kir.
Wezareta Tenduristîyê ya hikûmeta Filistînê li Xezzeyê jî di daxûyanîyekê da ragihand ku hejmara şehîdên êrişên Rejîma Sîyonîst ser Zîvala Xezzeyê ji 7ê Cotmehê va rabû 37 hezar û 765 kesî û ya birîndaran jî rabû 86 hezar û 429 kesî.
