Serok û nûnerên komên filistînî yên beşdar li civîna Moskoyê di daxûaniyekê de ser pêwîstiya rawestana li ber cinayet û jînosayda Rejîma Siyonîst li dijî xelkê Xezeyê tekez kirin.

Hejmarek  ji nûnerên komên filistînî ji wan Tevgera Rizgariya Netewî ya Filistînê, Feth û Tevgera Berxwedana Îslamî ya Filistînê, Hamas di civînekê de ku ji aliyê rayedarên Rûsiyê ve li Moskowayê hat lidarxistin de  hevdîtin pêk anîn û li ser rewşa niha û ya pêşerojê ya Filistînê gotûbêj kirin.Husêyn Hemaîl, berdevkê tevgera Fetih, armanca vê civînê peydakirina riyên hevgirtina komên filistînî û avakirina welatekî serbixwe yê Filistînê ragihand.Di vê hevdîtinê de Wezîrê Derve yê Rûsyê Sergey Lavrov daxwaza avakirina welatekî serbixwe yê Felestînê li ser bingeha biryarên Encûmena Ewlekariyê û Civata Giştî ya NY kir.Beşdarên civîna komên filistînî li Moskoyê, bi weşandina daxûyaniyekê, li ser erkên lezgîn ên li pêşberî gelê Filistînê û yekitiya jibo wan li hev kirin û ser pêwîstiya rawestana li ber destdirêjî û şerê jînosaydê yê Rejîma Siyonîst li dijî xelkê zîvala Xezeyê, rexê ropjava û Qudsê ku bi piştgiriya berfireh a Amerîkayê tê kirin, tekez kirin.