Artêşa Rejîma Siyonîst di dewama êrişên xwe yên ser Xezzeyê û başûrê Libnanê da, bajaroka Zûter Eş-Şerqîyêyê li Libnanê kir armanca bombeyên fosforê yên qedexekirî.

Hevdem ligel rexneyên serokên welatên cûrbicûr li destdirêjiyên dubare yên Rejîma Siyonîst li ser Libnan û Zîvala Xezzeyê di Civata Giştî ya NY’yê da, medyayên erebî qala dubarebûna êrişên destdirêjkerane yên siyonîstan ser navçeyên li başûrê Libnanê û Zîvala Xezzeyê kirin. Çavkaniyên nûçeyan ên Libnanê qala qewimîna teqîneke giran li herêma Xîyamê û lerizîna berfireh a navçeyên başûrê vî welatî piştî êrişên hewayî yên Rejîma Siyonîst kirin. Topxaneya Rejîma Siyonîst bajaroka Mensûrîyê ya li başûrê Libnanê jî kir armanc. Leşkerên siyonîst herwiha hin avahî li bajarê Xîyamê teqandin. Ji aliyê din va tankên Rejîma Siyonîst li navçeyên niştecîbûnê yên rojhilatê bajarê Xan Yûnisê li başûrê Zîvala Xezzeyê gulebaran dikin. Hevdem tê gotin ku leşkerên dagirker êrişî bajarokên Selwa û Eqabayê yên li Rexê Rojava kirine û malên filistîniyan wêran dikin. Wezareta Tenduristiyê ya Zîvala Xezzeyê ragihand ku di 24 saetên borî da cenazeyên sê şehîd û 18 birîndaran bo nexweşxaneyên Zîvala Xezzeyê hatin veguhestin. Ji destpêka êrişên Rejîma Siyonîst ser Zîvala Xezzeyê di 7ê Cotmeha 2023an da, hejmara şehîdan gihîştiye 73 hezar û 922 şehîdan û ya birîndaran jî gihîştiye 174 hezar û 995 kesan.