Serokê Polîteburoya Tevgera Berxwedana Îslamî ya Filistînê (Hemas) daxwaza kiryara demlidest bo sekinîna hemberî karesata mirovî ya ber bi xirabbûnê va li Zîvala Xezzeyê kir.

"Xelîl Heyye" ji welatên ereb û îslamî xwest ku bo sekinîna hemberî karesata mirovî ya Xezzeyê tevbigerin; karesata ku di pey berdewambûna dorpêçê, sîyasetên birçîkirinê, bêparbûna ji sitargeh û xizmetguzarîyên bingehîn û giranbûna êş û janên niştecîyên vê navçeyê bi hatina demsala zivistanê ra, derbasî berûlayên berfirehtir bûye. Serokê Polîteburoya Hemasê li ser pêwîstîya pêngavrakirinê bo mecbûrkirina hêzên dagirker bo bicihkirina tam a lihevkirinnameya agirbesê tekez kir. Wî di vî warî da, daxwaza vekişîna tam a hêzên dagirker ji Zîvala Xezzeyê, bicihkirina demlidest a protokola mirovî ya li Şerm uş-Şêxê hatîye îmzekirin, dabînkirina îmkana hatina komîteya neteweyî ya birêvebirina Xezzeyê bo vê navçeyê û destpêkirina çalakîyên wê û herwiha garantîkirina destragihîştina saziyên girêdayî Rêxistina Neteweyên Yekbûyî û dezgehên mirovdostane bo hemî navçeyên Zîvala Xezzeyê bêyî tu astengiyekê kir.

Heyye herwiha li ser pêwîstîya pêvajoya baştirkirina şert û mercan û jinûveavakirina Xezzeyê û garantîkirina hatina kelûpelên avahîsazîyê, alav û mekanîzmên pêwîst tekez kir.