UNICEF: Li Xezzeyê rojê 100 zarok tên kuştin û birîndarkirin
Sindûqa Zarokan a NY(UNICEF) fukara xwe ya giran derbarê binpêkirina agirbesa li Zîvala Xezzeyê nîşan da û ragihand ku di heyama 10 rojên borî de rojê 100 zarok şehîd û birîndar bûne.
Sindûqa Zarokan a NY(UNICEF) ragihand ku di 10 rojên borî de 322 zarokên Filistînî şehîd bûne û 609 zarokên din jî birîndar bûne. amara ku bi qasî kuştin û birîndarkirina 100 zarokan di rojekê de ye.
UNICEFê herwiha bal kişand ser girtina pêşiya gihandina alîkariyên mirovî bo Xezzeyê ji sê heftiyan berî niha ve û derbarê xirabtirbûna rewşa mirovî li vê navçeyê hişyarî da.
Di daxuyaniya vê saziyê de hatiye: Berdewamiya şer û pevçûnan li Xezzeyê jiyana bi hezaran zarokan xistiye metirsiyê û rewşa xirab a gihandina xwarin, derman û xizmetguzariyên serekî xirabtir kiriye.
