Derbeyên giran ên berxwedana Filistînê li artêşa terorê
Komên filistînî di daxuyaniyên cuda de ragihandin ku li bereyên curbicur de derbeyên giran li dagirkeran xistine.
Tabûra Seraya El-Quds li Tûlkermê, îro pêncşemiyê, derbarê şer û pevçûnên giran ên şervanên xwe bi dagirkerên ku êriş kiribûn ser kampa Tûlkermê agahî da û di daxûyaniyekê de ragehand:Hêzên me bi alîkariya hêzên gelanî bi hêzên dagirkerên ku êrişî ser kempa Tûlkarmê kiribûn re ketin pevçûnê û derbên giran li wan xistin.
Di daxuyaniya Seraya El-Quds de hatiye: Hêzên me dijminê siyonîst dan ber gulleyan û yekîneya me ya endezyarî û teknîkî wesayitên leşkerî yên dijmin bi bombeyan bi awayekî deqîq kirin armanc.
Li gor nûçeyeke din, Berxwedana Filistînê derbarê jor da xistina xwefireke sîxoriyê ya Rejîma Siyonîst li esmanê Zîvala Xezzeyê agahî da. Tabûrên Nasir Selahedîn ragihand ku li esmanê navçeyên navendî yên zîvala Xezzeyê xwefireke EVO Max di dema erkdariya sîxoriyê de xistine bin kontrola xwe.
Ji aliyê din ve, Berdevkê Hêzên Şehîd Omer Qasim, baskê leşkerî yê bereya Demokratîk jibo Rizgarkirina Filistînê ragihand: Qeder û çarenivîsa artêşa dagirker ji ber berxwedana gelê me hema işkest e.
Ebû Xalid tekez kir: Me li Refehê êrişî meqerên dijmin kir. Her wiha me navenda kombûna hêzên siyonîst li rojhilatê Refehê jî bi mûşekên kurt menzîl da ber êrişan. Wî her wiha got: Hêzên me bi hevkariya hêzên Nasir Selahedîn meqerên dijmin li rojavayê Beyt Lahiyê bi hawanan kirin armanc û ziyanên mezin li wan dan.Berdevkê hêzên şehîd Omer El-Qasim piştî midehekê derbarê êrişa dijminê siyonîst ser bakurê Xezzeyê û işkesta wê agahî dabû û got: Derbên giran li xelkê û kelûpelên dijmin ket û bêşik hêzên me û komên din ên berxwedanê wê li bakurê Xezzeyê dê işkestê bide dagirkeran .
