Xalid El-Qudûmî: Emê nehêlin Umeta Îslamî ji nav here
Nûnerê tevgera Hemasê li Îranê got: Bi hetim dê rejîma Israîlê ji nav here û peyama me bo cîhanê ev e ku emê nehêlin Umeta Îslamî ji nav here
Xalid Qudumî nûnerê tevgera Hemasê li Îranê got: Îro bîst û sê roj ser bahoza Eqsayê re derbas dibe û di vê midehê d de Rejîma Siyonîst bi çira kesk a Amerîkayê gelek jin, mêr û zarok kuştin.
Wî her wiah got:
200 hezar mal û xanîber hatin wêrankirin daku xelkê ji warê xwe derxînin, lê mafê me heye û welatê me heye û emê ji ber zext û gefan tu carî nerevin.
Nûnerê tevgera Hemasê li Tehranê her wiha got: Çima rê nadin kamyonên ku alîkariyan digihînin Xezayê? Çima fosfora spî, ev çeka qedexe, li dijî gelê me bi kar tînin?Xalid Qudûmî got: Amerîka û hêzên rojavayî hemû bi rejîma dagîrker a Qudsê re bûne yek û li xwe mikur tên, çima serkirdeyên Ereb nabêjin ew bi gelê Felestîn û Xezzeyê re ne!! Heta îro hemû alîkariyên aborî gihane Îsraîlê, lê kesî tiştek ji bo me nekiriye.
