HAMAS’ê pesna helwêsta Yekîtîya Afrîqayê li dijî Rejîma Siyonîst da
Tevgera Berxwedana Îslamî ya Filistînê (HAMAS) bi derxistina daxuyaniyekê sipasîya Yekîtîya Afrîqayê ji ber helwêsta wê ya dijî Rejîma Siyonîst û piştevanîya ji Filistînê kir.
Tevgera Berxwedana Îslamî ya Filistînê îro ji daxuyanîya dawîyê ya Komcivîna 36an a Yekîtîya Afrîqayê di piştevanîya ji endamtîya tam a Filistînê li Rêxistina Neteweyên Yekbûyî (NY) da û rawestandina dayîna kursîya ‘Çavdêr’ di bo Rejîma Siyonîst di vê yekîtîyê da, her wiha piştevanîya ji mafê gelê Filistînê ji bo azadî û serxwebûnê pêşwazî kir.
HAMAS’ê ji civata cîhanî û NY’yê xwest ku zêdetir bala xwe bide ser cinayetên Rejîma Siyonîst û binpêkirina berdewam a mafên gelê Filistînê û destdirêjîya ser welat û cihwarên wan ên pîroz û heta dema ku filistînî mafên xwe yên rewşa ji bo damezirandina welatê Filistînê bi paytextîya Beytul-Muqedesê bi dest bixin, piştgirîyê bidin têkoşînên wan.
Roja bihurî jî “Cîhad Taha” Berdevkê HAMAS’ê sipasîya xwe ji ber hemî hewldanên ku bûn sebeb rê li ber beşdarîya desteya Rejîma Siyonîst di komcivîna afrîqî da were girtin, diyar kir û got: “Ev kiryar li gorî nirx û eslên Yekîtîya Afrîqayê ye.”
