Piştî ketina helîkoptereke nûçeyan a kanala NBC Los Angelesê dema ku qezayekê dişopand, sê kes mirin.

Medyaya Amerîkayê ragihand ku helîkoptereke kanala NBC`ê duh êvarê li Kolana North Mîson a li taxa Chatsworth a Geliyê San Fernando ya Los Angelesê ket xwarê, û li gorî van raporên medyayê, nûçegihan û pîlot di nav kesên ku di qezayê de mirin de bûn.

Daîreya Agirkujiyê ya Los Angelesê ragihand ku helîkopter li herêmeke di navbera du avahiyên bazirganî de ket xwarê û agirkujan, dema ku gihîştin cihê bûyerê, dîtin ku helîkopter û wesayîtên derdorê di nav agir de ne. Li gorî berdevkê daîreyê, helîkopter di qezayê de bi giranî zirar dîtiye. Daîreya Agirkujiyê ya Los Angelesê herwiha ragihand: Ji bilî sê kuştiyan, kesekî çaremîn jî bi giranî birîndar bû û rakirin nexweşxaneyê.