Senatorê amerîkî daxawaza alîkariyê bo Xezzeyê kir
Senatorê amerîkî derbarê aloztirbûna rewşa mirovî li Xezzeyê hişyarî da û bang li hikûmeta Amerîkayê kir ku zextê bîne ser Rejîma Siyonîst ku alîkariyên mirovî yên ji bo zivistanê bigihêjin destê xelkê Xezzeyê.
Bernî Sêndêrz got: Bi hatina zivistanê zêdetirî yek mîlyon kes li Xezzeyê bêmal mane û sedî 92`ê malên wan ji aliyê Rejîma Siyonîst ve hatine wêrankirin û di vê rewşê de, divê Waşington zextê bîne ser Rejîma Siyonîst ku ev rejîm dev ji dorpêça Xezzeyê berde û rê bide ku alîkariyên mirovî ji xelkê Xezzeyê re werin şandin.
Nivîsgeha medyayê ya hikûmeta Xezzeyê ragihandiye ku 1.5 mîlyon filistînî li Xezzeyê aware bûne û ji ber dorpêçkirina Rejîma Siyonîst di rewşeke nalebar de dijîn, pêdiviyên bingehîn ên jiyanê hêsan bidest naxin û ji ber dorpêça Rejîma Siyonîst xizmetên bingehîn pir kêm in. Rejîma Siyonîst bi binpêkirina agirbesê nahêle ku kon û alîkariyên din, ji wan xwarin, derbasî Xezzeyê bibin.
