Civîna Konseya Emnî ya NY derbara destdirêjîya Rejîma Sîyonîst ser Qeterê da
Konseya Emnî ya NY şeva buhurî di civîneke awarte da êrişên Rejîma Sîyonîst ser civîna rayedarên Hemasê li Duheyê bêyî ku amajeyî navê vê rejîmê bike, şermezar kir.
Emîr- Se`îd Îrewanî Balyoz û Wekîlê Dayimî yê Îranê li NY di civîna awarte ya Konseya Emnî da dîyar kir ku Îran destdirêjî û êrişa terorîstî ya ser dewleta Qeterê bi awayekî teqil şermezar dike û ragihand: Îran bi awayekî teqil piştgirîyê dide mafê berevanîya rewa yê dewleta Qeterê anegorî mafên navdewletî û menşûra NY ji bo bersivdana himber binpêkarîyên wiha netirsane.
Rozmarî Dî Karlo Cîgira Sersekreterê NY jî di vê civînê da gotîye ku êrişa Rejîma Sîyonîst ser Duheyê qonaxeke nû û bitaluke di pevçûnên li Rojhilata Navînê da dest pê kirîye ku gefê li aştî û istiqrara herêmê dixwe.
Mihemed Bin Ebdulrehman Alê Sanî Serokwezîrê Qeterê jî Konseya Emnî hişyar kir ku bêdengîya himber qanûna daristanê, hitbara vê konseyê lawaz dike.
Balyozên Ûrsêt û Çînê jî êrişa Rejîma Sîyonîst a ser Qeterê şermezar kirin û derbara dûhatên giran ên wê da hişyarî dan.
Wekîlê Pakistanê jî tevî şermezarkirina vê êrişê got ku destdirêjîya Rejîma Sîyonîst, kiryareke handêr a bitaluke ye ku gefê li aştî û istiqrara herêmê dixwe.
Balyozên Ingilîs û Fransayê jî gotin ku ew êrişa nayê qebûlkirin û Danmarkê jî ew êrişa şermezar kir. Balyozên welatên ereb jî ew êrişa şermezar kirin û ew wek bêrêzîya himber dîplomasîyê zanîn. Rejîma Sîyonîst roja sêşemê êrişî civîna rêvebirên Hemasê ya li Duheya Qeterê kir, lê ser nekt û hemî endamên desteya muzakirekr a vê tevgerê rizgar bûn.
