Rêveberê Giştî yê Rêxistina Cîhanî ya Tenduristiyê : Ez ji êrişa Îsraîlê ser Yemenê rizgar bûm
NY bal kişand ser sivîlbûna balafirxaneya Senayê û ragihand ku êrişa roja Înê ya Rejîma Siyonîst ser wir wextekê pêk hat ku balafireke bi dehan rêwiyan di halê rûniştinê de bû.
Cûlyen Harnîs Hewahengkerê alîkariyên mirovî li Yemenê, bal kişand ser sivîlbûna balafirgeha Sena`yê û ragihand ku êrişa Israîlê ser wir wextekê pêk hat ku balafirek bi dehan rêwiyan di halê rûniştinê de bû û şandeke NY li benda derketina ji balafirê bû. Harnîs got : Zêdebûna aloziyan hewlên nûnerê taybet ê NY li Yemenê ji bo gihîştina bo çareseriyeke siyasî ji nav dibe.
Tedros Adhanom, rêveberê giştî yê Rêxistina Cîhanî ya Tenduristiyê derbarê wê yekê de got: Ew di dema destdirêjiya Rejîma Siyonîst ser firokexaneya Senayê li wir bû û bi zehmetî karî ji vê êrişê rizgar bibe. Wî bal kişand ser wê yekê ku Rejîma Siyonîst li bara êrişa ser firokexaneya Senayê tu hişyariyek nedabû û destnîşan kir: Rejîma Siyonîst bi êrişeke eşkere çend caran deverên sivîl ên Yemenê bombebaran kiriye.
Di encama êrişa roja Îniyê ya Rejîma Siyonîst ser balafirgeha navneteweyî ya Senayê li paytexta vî welatî û parêzgeha Hudeydê (rojavayê Yemenê) de 6 kes hatin kuştin û 40 kes jî birîndar bûn.
