SAHAR

Medyayên erebî ragihandiye ku Şêx Yûsif Qerzawî melayê misirî yê binavûdeng di temenê 96 saliyê da koça dawî kiriye.

Şêx Yûsif Qerzawîyê 96 salî melayekî bi esl misirî û hemwelatiyê Qeterê, serokê Yekîtiya Cîhanî ya Zanayên Misilman ê berê bû.

Di twittera fermî ya Şêx Yûsif Qerzawî da jî nûçeya mirina wî hatiye piştrastkirin û hatiye ragihandin:

"Cenabê Yûsif Qerzawî ku jiyana xwe ji bo ronkirina hikmên îslamê û berevaniya ji umeta xwe derbas kir, çû ber dilovaniya Xwedê. Em ji Yezdanê dilovan dixwazin ku pileyên wî li nav payebilindan berztir bike û wî tev li Pêxember û sidîq û şehîd û salihan bike:"

Gelek alîgirên hizr û ramanên Şêx Qerzawî li welatên îslamî hene.