Kuştina sê kesan li dêrê ji aliyê kalemêrekî Amerîkî yê 71 salî ve
Hezîran 18, 2022 13:56 Asia/Tehran
Polîsê Amerîkayê ragihand, di encama gullereşandina li dêrê li eyaleta Alabamayê de 3 kes mirin û jinek jî birîndar bû.
Li gorî rapora IRNA`yê, êvara Îniyê rayedarên polîsê Amerîkayê ragihandin ku hejmara kuştiyên êrişa kujêr a li dêra Alabamayê gihîşte sê kesan.
Qurbaniya dawiyê ya vê gulebaranê jineke 84 salî ye ku ji ber birînên xwe yên giran li nexweşxanê jiyana xwe ji dest da.
Saet 18:30 berêvara Pêncşemê ser wextê herêmê, polîs piştî agahdar bûna derbarê bûyera gullereşandinê li Dêra Episkopal a St. Stephen li Vestavia Hills, xwe gihand cihê bûyerê.
Polîs heta niha ti agahiyek li ser sebeba êrişkar belav nekiriye, lê karbidest dibêjin ku ew car caran diçû vê dêrê.
