Bush: Derketina NATO ji Efxanistanê xeletiyek mezin e
Serokomarê berê yê Amerîkayê George W. Bush îdia kir ku vekişîna NATOyê ji Efganistanê şaşiyeke mezin e û xelkê Efxanistanê bi tenê hatin hiştin, da ku çekdarên Talîban wan bikujin.
George W. Bush diyar kir ku şaşî di wê yekê de ye ku keç û jinên Efxanî dê rastî êş û janê werin û ji aliyê çekdarên Talîban ve werin kuştin.
Di payîza 2001ê de piştî êrîşên 11ê Îlonê, bi biryara George W. Bush, hêzên amerîkî û NATOyê bo Efxanistanê hatin şandin. Li ser vekişîna hêzên navdewletî ji Efxanistanê, Bush dibêje: “Angela Merkel jî weke min difikire.”
Di meha Sibata îsal de Amerîka û Talîban rêkeftinek îmze kirin. Li gor rêkeftinê Talîban soz daye ku êrîş neke ser artêşa Amerîkayê û rê li ber cîhadiyên El Qaîdeyê û DAIŞê li Efxanistanê bigire ku êrişî welatên din nekin. Li hember vê yekê, Amerîkayê artêşa xwe vekişand, tevî wê NATO jî ji Efxanistanê vekişiya, piraniya bajar û bajarokên Efxanistanê ji aliyê çekdarên Talîbanê ve hatin kontrolkirin, rewşa herêmê aloz bû.
