Hejmara senatorên ku dixwazin Trump îstifa bike, zêde dibe
Ji bo bidawîbûna dema wezîfeyê ya Serokomarê Amerîkayê Donald Trump tenê 10 roj mane, lê belê ji niha ve gelek senator û nunerên meclisa Amerîkayê daxwaza îstifaya wî kirin.
Tevî ku tenê 10 roj mane ji bo bidawîbûna dema wezîfeya Doland Trûmp, gelek hilbijartî û siyasetmedar dibêjin ku divê ew îstifa bike. Daxwaza îstifayê ji eniya Komarparêzan jî pir tê bihîstin.
Ji senatorên Komarparêz Ben Sasse, Lîsa Mûrkowskî û Pat Toomey ji CNN'ê re axivîn û diyar kirin ku îstifakirina Trump rêya herî rast e.
Toomey diyar kir ku ji dema ku di hilbijartinên 3'ê Mijdarê de têk çûye û vir ve Trump "dîn" bûye û ev yek nedihate texmînkirin.
Trump ê ku li Qesra Spî ye, ti daxuyanî neda. Trump ku navbera wî û Alîkarê wî Mîke Pence xera bûye, her wiha têkiliya wî ya bi gelek wezîran jî sar bûye.
