SAHAR

Îro roja duşemê 05.10.2020an karwanê parêzgariya Luxman li Efxanistanê bi teqînekê hat armanckirin û ji ber wê teqînê 8 kes mirin û 20 kes jî birîndar bûn.

Malpera Ufuq a Efxanistan di nûçeyekê de aşkere kiriye karwanê parêzgariya Luxman Rehmetulla Yarmel bûye armanceke teqînekê û ragihandiye di encama wê teqînê de 4 jê sivîl û 4 kes jê jî serbaz 8 kes mirine û 20 kes jî birîndar bûne. Herwiha parêzgarê Luxmanê Rehmettula Yarmel bi silametî ji wê êrîşê rizgar bûye.

Heta niha ti hêzekê berpirsiyariya xwe di wê êrîşê de aşkere nekiriye. Ev êrîşa li Efxanistanê di demekê de ye ku di navbera Talîban û hikûmeta Efxanistanê de danûstendin dewam dikin û Amerîka û Qeter jî navbeynkariya wan danûstendinan dikin.