Wekîlê Dayimî yê Ûrsêtê yê NY ragihand ku piştgirîya Ewropayê ji Serokomarê Ukraynê karekî berovajî aqilê saxlem e.

Vasîlî Nebenzîya Wekîlê Dayimî yê Ûrsêtê li NY ragihand: Ewropa amade ye ku garantîyên emnî bide Kîyêvê, lê heta dema ku rejîma Kîyêvê dijminê Ûrsêtê be u şêrr bidomîne.

Nebenzîya herwiha got: Bi salan e ku Ewropa berovajî rastîyan u maqûlbûnê Volodimîr Zêlênskî lehengekekî saz dike û meylên aştîxwazane berbiçav dike ku wî qet tinebûne.

Gerra sêyem a muzakireyên aştîya Ukraynê bi awayekî sêalî bi beşdarbûna wekîlên Ûrsêt, Ukrayn u Amerîkayê li Jênêva Siwîsê hat lidarxistin. Tevî lidarxistina çend gerrên muzakireyê, şerê di navbera Ûrsêt u Ukraynê didome. Nakokîyên li ser herêman hela jî berbendên herî girîng ser rêya serxistina muzakireyên her du alîyan in.

Ûrsêt u Ukrayn hewil didin bi parastina herêmên di destê xwe da u berfirekirina wan, meydan û masa muzakirê bigirin destê xwe u serdest bin. Berî vîya Metîyo Vîtaker Wekîlê Dayimî yê Amerîkayê yê NATOyê gotibû: Waşîngton çavlirê ye ku çarenûsa nakokîyên têkildarî herêmên hanê di roj û hefteyên bê da were destnîşankirin. Wî gotibû ku beşdarên muzakireyên jibo çareserkirina qeyrana Ukraynê, nika ser 4 belgeyên jibo wajokirinê kar dikin. Planeke aştîyê ya bîstxalî, hin garantîyên emnî yên çendalî, garantîyên emnî yên kivş ên Amerîkayê û herwiha plana geşepêdana aborî piştî aştîyê.