Kalas: Em piştgiriyê didin berjewendiyên Ewropayê li himberî tarîfeyên Trump
Berpirsa siyaseta derve ya Yekîtiya Ewropayê derbarê encamên şerê bazirganî yê Amerîkayê hişyarî da û tekez kir, ku Ewropa dê berevaniya berjewendiyên xwe yên aborî li hember tarîfeyên nû yên hikûmeta Donald Trump bike.
Kaya Kalas bereberê civîna NATO ya li Brukselê de got:Tu kes di şerê bazirganiyê de bi ser nakeve. Tarîfe ne tenê buhayan ji bo bikarhêner û şîrketan zêde dike, belku sermayeguzariyên berevaniyê jî dixe xeterê.
Rayedarên cîhanê di rojên derbasbûyî de li himberî tarîfeyên bi hellahella yên Trump bertek nîşan dane . Seroka Komisyona Ewropayê Ursula Fon der Leyen biryara Koşka Spî wekî derbeyeke giran li aboriya cîhanê bi nav kir û ragihand ku Pakêta ewil a kiryara tolhildanê ya Ewropayê ya li dijî siyaseta Trump diçe ku yekalî dibe.
Firansowa Bayro,Serokwezîrê Fransayê jî derbarê encamên metirsîdar ên zêdekirina tarîfeyan ji aliyê Trump ve hişyarî da û got ku ev siyaseta Trump gefê li bi dehan hezar derfetên karî di beşên curbicur ên Fransayê de dixwe.
Siyaseta Trump a zêdekirina tarîfeyan bûye sedem ku aboriya Amerîkayê bi xwe jî rastî qeyranê were û nirxê pîvanên bûrsê di bazarên darayî de gelekî kêm bibe.
