Sekreterê Giştî yê NY di civîna guherîna av û hewayê de hişyarî da rêberên cîhanê ku jibo girtina pêşiya bobelatên însanî yên di encama guherîna av û hewayê de,pêngavên pêdivî hilînin neku dê mirovahî berdêla wê bide.

 Antonyo Gotêrêş, Sekreterê Giştî yê NY îro di  civîna  av û hewayê ya nasiyar bi COP29 de hişyarî da rêberên cîhanê ku  jibo girtina pêşiya bobelatên însanî yên di encama guherîna av û hewayê de pere xerc bikin neku mirovahî  dê berdêla vê yekê bide.

Gotêrêş got: Ji bo kêmkirina bandorên xirab ên gerimbûna  rûbarê erdê êdî dem namîne. Civîna salane ya guherîna av û hewayê  bi amadebûna nûnerên 200 welatan li Komara Azerbaycanê tê lidarxistin û mêhwera muzakirên îsal komkirina bi sedan milyar dolaran  ji bo sermayeguzarîya di bikaranîna çavkaniyên enerjiya kesk li cîhanê û kêmkirina  zirara av û hewayê ji ber belavbûna gazên kerbonê ye