Pûtîn Eliyêv û Paşîniyan bo civîneke sêqolî vexwendin
Wezareta karên derve ya Rûsiyê ragihand ku Vladîmîr Pûtîn serokomarê Rûsiyê Îlham Eliyêv serokê Komara Azerbaycanê û Nîkol Paşîniyan serokwezîrê Ermenistanê ji bo lidarxistina civîneke sêqolî vexwendine.
Li gorî rapora Fars Newsê, Wezareta karên derve ya Rûsiyê her wiha ragihand: Mosko nîgerana pêvajoyên nîgeranker e ku li serayî Qefqazê bilez pêk tên; cihê ku welatên rojavayî aşkira hewil dide planên rûbirûbûna li Ukraynê veguhezîne.
Ev di rewşekê da ye ku serokomarên Tirkiye, Komara Azerbaycanê û Ermenistanê di nîveka Cotmehê da li Praga paytexta Komara Çêkê civiyabûn.
Di vê civînê da ku li kêleka Civîna Civaka Siyasî ya Ewropayê pêk hat, asayîkirina peywendiyên navbera Tirkiye û Ermenistanê hat vekolandin.
Hefteyek piştî vê civînê, Paşîniyan qala pêşniyaza xwe bo Komara Azerbaycanê derbarê diyarkirina sînoran kir.
