Dezgeheke gelanî li Ingilîsê bi navê Kirîstîyen Ayd bi ragihandina vê mijarê pêgirî kir ku ev demajoya ber bi zêdebûnê, rengvedana bandora guherînên rewşa av û hewayê bi destê merivan e, herwiha 10 dîyardeyên hanê bûne sedema candayîna herîkêm hezar û 75 kesan û bê mal û warbûna milyonek û 300 hezar kesî.

Ev dezgeha her sal xercên bûyerên weke lehî, agirberbûn û pêla germayê ligorî raporên dezgehên sîgortê dîyar dike.

Bûyera ku xercê wê herîzêde bûye, tofana Aydayê bû ku rojhilata Amerîkayê da ber xwe û bû sedema zirareke 65 milyard dolarî. Lehîya giran a li Alman û Beljîkê ku di Tîrmehê da rabû û zîyaneke 43 milyard dolarî pêk anî.

Di rêza sêyem da tofana bi seqem a Têgzasê cî digire ku şebekeya ceryanê li vê ayetê qut kir û bû sedema zîyaneke 23 milyard dolarî û li pey wê lehîya li parêzgeha Henan a Çînê cî digire ku bû sedema xisareke 17 milyard û 600 milyon dolarî.

Bûyer û belayên din ên ku bûne sedema xisareke çend milyard dolarî, ev in: Lehîya li Kandayê, qerisîn û seqema li Fransayê û tofana li Hind û Bengiladêşê.