Li bajarokê Kongsberg ê Norwecê di encama êrişekê ya bi tîr û kevanê de çend kesan jiyana xwe ji dest dan û birîndar bûn. Li gor zanyariyan kesekê bi tîr û kevanê êrişî xelkê kir.

Li bajarokê Kongsberg ku 80 kîlometre dikeve başûr rojavayê Osloya paytexta Norwecê, îro saet 18.30, kesekê bi tîr û kevanê êrişî xelkê kir.

Li gor zanyariyên ku Rêveberê Polîsê Kongsbergê Oeyvind Aas ji Reutersê re ragihandine, li ser wê êrişê kesek hatiye girtin.

Rêveberê Polîsê derbarê hejmara kuştî û birîndaran de zanyariyek neda, lêi medyaya xwecihî diyar kir ku gelek ambulansan bo wê deverê hatine şandin.

Her li gor zanyariyên medyaya xwecihî, kesê êrişkar ji nav marketa Coop Extra a dikeve rojavayê Kongsbergê bi tîr û kevanê êrişî xelkê kir.

Heta niha jî derbarê hejmara kuştî û birîndarên ji ber wê êrişê, zanyariyek fermî nehatiye belavkirin.