Li bajarê Nashville yê Amerîkayê teqîn çê bû
Îro otomobîlek li bajarê Nashville(Neşvîl) navenda eyaleta Tennessee ya Amerîkayê teqiya û li gor medyaya Amerîkayê di encama bûyerê de heta niha ti kesî canê xwe ji dest nedaye, lê zirar gihîştiye çend avahî û binayan.
Teqîn îro saet 06:30 serê sibehê bi dema Nashville (15:30 bi dema Hewlêrê) çê bûye. Medyaya Amerîkayê dibêje, polîs û xebatkarên agirvemirandinê gihîştine cihê teqînê û lêkolîn derbarê bûyerê de dest pê kirine.
Fermangeha Agirvemirandina Nashville ragihandiye, di encama teqîna îro de camên pencereyên çend malan şikestine. Heman sazî daxwaz jî dike, xelk ji cihê teqînê dûr bikevin.
Polîsê Nashville di kongreyeke rojnamevanî de amaje bi wê kir, rapor gihîştine ber destê wan ku di dema lêkolîna di otomobîleke gumambar de teqînê rû daye û teqîn bi enqest bûye.
Li gor amarên Polîsê Nashville di encama teqînê de 3 kes birîndar bûne û bo nexweşxanê hatine veguhastin.
