Bager û baranê başûr û başûrê rojhilatê Amerîka vegirtiye û ji ber wê jî zêdetirî nîv milyon mirov di tariyê de mane.

Ev çend roj in eyaletên Florîda û Alabama yên Amerîka, ku dikevin başûr û başûrê rojhilatê wî welatî, ketine ber xezeba bager û bahoza “Sally”.

Li gorî agahiyan, bager û barana tund bûye sebeba ziyanên mezin bi taybet qutbûna elektirîka nîv milyon mirov.

Tê gotin ku lezatiya bahozê hinek caran digihê 170 km di saetekê de. Li gelek cihan lehî rabûye û baranek tund dibare.

Heta niha nayê zanîn ka gelo ti kes ji ber wê bahozê can dane yan jî birîndar bûye yan na.