Fosîlên darên kevnar li Inglîzê hat keşifkirin
Fosîlên darên kevnar weke nexlên (dara xurmeyê) li jeoparkeke Intglîzê hatin keşifkirin.
Li gorî nûçeya IRNAyê, Berpirsên Jeoparka Riviera'yê li Inglîzê ku wek yek ji 8 jeoparkên UNESCO'yê tê naskirin ragihandin ku, fosîlên darên kevnar ku nifşa kevn a darxurmeyên roja îro ne, li navçeya Saltern Cove'ê li başûrê rojavayê Inglîzê hatine keşifkirin.
Temenê van fosîlan 377 miliyon sal e û bi lêkolîna li ser wan, raboriya erdnasiyê li vê navçeyê û gelek taybetmendiyên dîrokî yên têkildar dê bên keşifkirin.
Jeopark an Parka Erdnasiyê li gor danasîna UNESCO'yê, deverek bi sînorên tam aşkira û têra xwe berfireh e ku çend diyardeyên kêmdîtî û berçav ên erdnasiyê digire ber xwe.
Fosîlên ku hatine keşifkirin aîdî lycopsid'an in ku wek nifşa berê ya darxurmeyên îroyîn tên hesibandin.
